Acts 19

UPawuli eEfesu

1Kwasekusithi, uApolosi ^a eseseKorinte ^b, uPawuli wafika eEfesu ^c esedabule indawo eziphakemeyo; wasefica abafundi abathile 2wathi kubo: Lamemukela yini uMoya oNgcwele mhla likholwayo? Basebesithi kuye: Kodwa kasizanga sizwe ngitsho ukuthi kukhona uMoya oNgcwele ^d. 3Wasesithi kubo: Pho labhabhathizelwa kukuphi? Basebesithi: Kubhabhathizo lukaJohane ^e. 4Kodwa uPawuli wathi: UJohane isibili wabhabhathiza ubhabhathizo lokuphenduka ^f, etshela abantu ukuze bakholwe kulowo oweza emva kwakhe, okuyikuthi, kuKristu Jesu ^g. 5Lalabo abezwayo babhabhathizwa ebizweni leNkosi uJesu ^h. 6Wathi uPawuli esebeke izandla phezu kwabo ⁱ, uMoya oyiNgcwele weza phezu kwabo; basebekhuluma ngendimi ^j, baprofetha ^k. 7Njalo wonke amadoda ayengaba litshumi lambili.

8Wasengena esinagogeni ^l wakhuluma ngesibindi, inyanga ezintathu ^m etshumayela ⁿ eqinisekisa izinto ngombuso kaNkulunkulu ^o. 9Kodwa kwathi abanye besiba lukhuni bengakholwa, bekhuluma kubi ngaleyondlela phambi kwabantu ^p, wasuka kubo ^q wehlukanisa abafundi ^r, insuku ngensuku etshumayela esikolo sothile uTiranu ^s. 10Lalokhu kwenzeka okweminyaka emibili ^t, baze balizwa ilizwi leNkosi uJesu bonke abakhileyo eAsiya ^u, amaJuda kanye lamaGriki. 11UNkulunkulu wasesenza ^v imisebenzi yamandla engejwayelekanga ngezandla zikaPawuli ^w, 12kwaze kwathi lakwabagulayo kwasiwa izifinyo kumbe amafasikoti ^x okuvela emzimbeni wakhe ^y, lezifo zasuka kubo, labomoya ababi baphuma kubo ^z.

13Kwathi abanye kumihambuma yamaJuda, izanuse ^aa, bazama ukubiza ibizo leNkosi uJesu kulabo ababelabomoya ababi, besithi: Siyalifungisa ngoJesu amtshumayelayo uPawuli ^ab. 14Njalo kwakukhona amadodana ayisikhombisa athile kaSikeva umJuda umpristi omkhulu akwenzayo lokho ^ac. 15Kodwa umoya omubi waphendula wathi: UJesu ngiyamazi, loPawuli ngiyazi ngaye; kodwa lina lingobani? 16Lowomuntu okwakukuye umoya omubi waseseqela phezu kwabo, njalo wabehlula, wabanqoba, baze babaleka kuleyondlu benqunu belimele. 17Lokhu kwasekusaziwa yibo bonke abakhileyo eEfesu ^ad amaJuda kanye lamaGriki; lokwesaba kwasekubehlela bonke ^ae; njalo lakhuliswa ibizo leNkosi uJesu. 18Labanengi balabo abakholwayo beza, bevuma, bememezela izenzo zabo ^af. 19Labanengi balabo ababesenza amasalamusi baletha ingwalo ndawonye bazitshisa phambi kwabo bonke; basebebala intengo yazo, bathola izinkulungwane ezingamatshumi amahlanu zesiliva ^ag. 20Ngokunjalo ilizwi leNkosi lakhula ngamandla lanqoba ^ah.

21Kwathi lezizinto seziphelile, uPawuli wazimisela emoyeni ^ai, esedabule ^aj eMakedoniya ^ak leAkaya ^al, ukuya eJerusalema ^am, esithi: Emva kokuba kwami lapho, ngimele ukubona iRoma layo ^an. 22Esethume eMakedoniya ^ao ababili balabo ababemsiza ^ap, uTimothi ^aq loErastu ^ar, yena wahlala eAsiya okwesikhathi ^as.

Isiphithiphithi sikaDemetriyu

23Kodwa ngalesosikhathi kwasuka isiphithiphithi esingesincinyane ^at mayelana laleyondlela ^au. 24Ngoba umuntu othile onguDemetriyu ngebizo, umkhandi wesiliva, owenza amathempelana esiliva kaDiyana, waletha kuzingcwethi inzuzo engencinyane ^av; 25owabaqoqayo bona, lezisebenzi zezinto ezifananayo, wathi: Madoda, liyazi ukuthi inotho yethu ivela kulumsebenzi. 26Njalo liyabona liyezwa ukuthi kungeyisikho eEfesu ^aw kuphela, kodwa phose kulo lonke iAsiya ^ax, uPawuli lo uncengile njalo uphambule ixuku elikhulu, esithi kayisibo onkulunkulu abenziwe ngezandla ^ay. 27Njalo kayisikho lokhu kuphela ukuthi sisengozini yokuthi lolugatsha lomsebenzi lufike ekutheni lungahlonitshwa, kodwa lethempeli likankulunkulukazi omkhulu uDiyana lizathiwa liyinto engesilutho, njalo lobukhulukazi bakhe buzakwehliswa, elimkhonzayo yonke iAsiya ^az lomhlaba wonke ^ba. 28Kwathi bekuzwa bagcwala intukuthelo, bamemeza besithi: Mkhulu uDiyana wamaEfesu! 29Njalo umuzi wonke wagcwala isiphithiphithi ^bb; basebetheleka kanyekanye endaweni yokudlalela, bahudula ^bc uGayusi ^bd loAristako ^be amaMakedoniya, abaphelekezeli bakaPawuli ^bf. 30Kwathi uPawuli efuna ukungena exukwini, abafundi kabamvumelanga ^bg. 31Njalo labanye bababusi beAsiya ^bh, ababengabangane bakhe, bathuma kuye, bemncenga ukuthi angazinikeli endaweni yokudlalela. 32Ngakho abanye bamemeza okunye labanye okunye; ngoba umhlangano wawusanganisekile ^bi, njalo inengi labo lalingazi ukuthi libuthene lapho ngenxa yani. 33Basebemusa phambili uAleksandro esuka exukwini ^bj, ngoba amaJuda amqhubela phambili. UAleksandro ^bk waseqhweba ngesandla ^bl, efuna ukuzivikela ebantwini ^bm. 34Kodwa bathi sebekwazi ukuthi ungumJuda, kwaba lelizwi elilodwa livela kubo bonke okungaba ngamahola amabili limemeza lisithi: Mkhulu uDiyana wamaEfesu!

35Njalo kwathi umabhalane eselithulisile ixuku ^bn wathi: Madoda eEfesu, kanti kukhona yini umuntu ongaziyo ukuthi umuzi weEfesu ungumlondolozi wethempeli likankulunkulukazi omkhulu uDiyana lowento eyawa ivela kuZewusi? 36Ngakho njengoba lezizinto zingephikwe, kufanele lithule ^bo, lingenzi lutho ngamawala ^bp. 37Ngoba lilethe lamadoda, angeyisibo abaphangi bamathempeli langahlambazi unkulunkulukazi wenu. 38Ngakho uba uDemetriyu lezingcwethi kanye laye belodaba ngomuntu, amalanga okuthonisa amacala ayagcinwa, bakhona lababusi ^bq; kabamangalelane ^br. 39Kodwa uba lidinga ulutho ngezinye izinto, kuzalungiswa emhlanganweni osemthethweni ▼

▼ osemthethweni: kumbe,  ojwayelekileyo.

. 40Ngoba futhi sisengozini yokumangalelwa ngomvukela ngenxa yalamuhla ^bt, kungelambangela esingalandisa ngayo ngalesisiphithiphithi. 41Njalo esetshilo lokho, wawuchitha umhlangano.